കൊച്ചി: ചികിത്സക്കായി കൊച്ചിയിലെത്തിയ ഫ്രഞ്ച് പൗരൻ കാനയിൽ വീണു. ഫ്രഞ്ച് സ്വദേശിയായ ലാൻഡനാണ് കാനയിൽ വീണത്. കാലിന് പരിക്കേറ്റിട്ടുണ്ട്. ഫോർട്ട് കൊച്ചിയിൽ നടപ്പാത നിർമ്മിക്കാനായി തുറന്നിട്ടിരുന്ന കാനയിലാണ് അദ്ദേഹം വീണത്.
നാട്ടുകാർ ചേർന്നാണ് ലാൻഡിനെ ആശുപത്രിയിൽ പ്രവേശിപ്പിച്ചത്. കാലിന്റെ തുടയെല്ലിന് പൊട്ടലുണ്ട്. എറണാകുളം ജനറൽ ആശുപത്രിയിലാണ് ആദ്യം എത്തിച്ചത്. പിന്നീട് കളമശ്ശേരി മെഡിക്കൽ കോളേജിൽ പ്രവേശിപ്പിച്ചു. ശസ്ത്രക്രിയ വേണ്ടിവരുമെന്നാണ് വിവരം.
ഫോർട്ട് കൊച്ചിയിൽ കസ്റ്റംസ് ബോട്ട് ജട്ടിയിലാണ് നടപ്പാത നിർമ്മാണത്തിനായി കാന തുറന്നിട്ടിരിക്കുന്നത്. തകർന്നുകിടക്കുന്ന നടപ്പാതയെ കുറിച്ച് വിരവധി പരാതികൾ ഉയരുന്നുണ്ട്.
