ദുബായ് : ദുബായിലെ എത്തിസലാത്ത് അക്കാദമിയെ താളമേളങ്ങൾ നിറഞ്ഞ വിസ്മയ കാഴ്ചകളൊരുക്കി തേക്കിൻകാട് മൈതാനമെന്ന പൂരപ്പറമ്പാക്കി മാറ്റാൻ ‘മ്മടെ തൃശ്ശൂർ പൂരം’ വീണ്ടുമെത്തുന്നു. മ്മടെ തൃശ്ശൂർ കൂട്ടായ്മയും, ഇക്വിറ്റി പ്ലസ് അഡ്വർടൈസിങ്ങും ചേർന്ന് ഒരുക്കുന്ന അഞ്ചാമത്തെ തൃശ്ശൂർ പൂരം ഡിസംബർ 2 നാണ് അരങ്ങേറുന്നത്. ഈ സ്വപ്ന നഗരിയിലെ ഏറ്റവും അധികം മലയാളികൾ പങ്കെടുക്കുന്ന അഞ്ചാമത്തെ പൂരത്തിനാണ് നമ്മുടെ തൃശൂർ കൂട്ടായ്മ ഇക്കുറ്റി പ്ലസ്സുമായി ചേർന്ന് ഈ വർഷത്തിൽ നടത്താൻ തെയ്യാറെടുക്കുന്നത് .
അഞ്ച് ആന, അഞ്ച് മേളം, അഞ്ച് കാവടി, അഞ്ചാമത്തെ പൂരം എന്ന രീതിയിൽ സർവം അഞ്ചെന്ന ആശയം ആസ്പദമാക്കിയാണ് ഈ അഞ്ചാമത്തെ പൂരം വന്നെത്തുന്നത്. ഈ സുഗന്ധ ഭൂമിയിയിൽ ഇതുവരെ ദർശിക്കാത്ത പല സൃഷ്ടികളുടെയും ദൃശ്യ അനുഭവങ്ങൾ ഒരുക്കുന്ന തിരക്കിലാണ് നമ്മുടെ തൃശൂർ കൂട്ടായ്മ പ്രവർത്തകർ. പോയ വർഷങ്ങളിൽ നിന്നും വ്യത്യസ്തമായി ഇത്തവണത്തെ പൂരം ഒട്ടേറെ പ്രത്യകതകൾ നിറഞ്ഞതാണ്‌ ,മ്മടെ ഇത്തവണത്തെ പൂരം, 5 തരം മേളങ്ങൾ, വിവിധതരത്തിലുള്ള 5 കാവടികൾ, തലയെടുപ്പുള്ള 5 ആനകൾ, ആദ്യമായി കടൽ കടന്നുവരുന്ന ചരിത്ര പ്രസിദ്ധമായ മച്ചാട് മാമാങ്കം കുതിരയും, ഇതെല്ലം ഇത്തവണത്തെ പൂരത്തിന് വർണ്ണശോഭ നൽകുമെന്ന് മ്മടെ തൃശൂർ കൂട്ടായ്മയുടെ പ്രസിഡന്റ് അനൂപ് അനിൽ ദേവൻ അറിയിച്ചു. രാവിലെ പൂരപ്പറമ്പിൽ എത്തുന്നത് മുതൽ ഓരോ വ്യക്തിക്കും കേരളത്തിൻറെ സാംസ്കാരിക പൗരാണിക കലകളെയും ആചാരാനുഷ്ഠാനങ്ങളും അടുത്തറിയുവാനുള്ള അവസരം മ്മടെ തൃശ്ശൂർ കൂട്ടായ്മ പൂരനഗരിയിൽ ഒരുക്കിയിട്ടുണ്ടെന്നും ഓരോ പൂരസ്നേഹിയും അത് പരമാവധി ഉപയോഗപ്പെടുത്തണമെന്നും മ്മടെ തൃശൂരിനോപ്പം മ്മടെ തൃശൂർ പൂരം 2024ന്റെ സംഘാടകരായ ഇക്വിറ്റി പ്ലസ് മേധാവി ശ്രീ ജൂബി കുരുവിള അറിയിച്ചു.
ഡിസംബർ 2 തിയ്യതി രാവിലെ 9 മണിക്ക് കൊടിയേറ്റവും തുടർന്ന് കേളി,കൊമ്പ് പറ്റ്‌. കുഴൽ പറ്റ്‌., തുടർന്ന് 150 ഇൽ പരം വാദ്യ കലാകാരൻമാർ വാദ്യ കുലപതി ശ്രീ ചേരാനല്ലൂർ ശങ്കരൻകുട്ടി മാരാരുടെ നേതൃത്വത്തിൽ ക്ഷേത്രം വാദ്യം വിഭാഗത്തിൽ ഏറ്റവും അറിയപ്പെടുന്നതും ജനപ്രിയവുമായ പാഞ്ചാരി മേളം 5 കാലങ്ങളിലൂടെ കൊട്ടിക്കയറുമ്പോൾ പ്രവാസികളുടെ മനസ്സിൽ യഥാർത്ഥ തൃശൂർ പൂരം പ്രതീതി ഉള്ളവക്കും എന്നതിൽ നിസ്സംശയം പറയാം. ശ്രീ പറക്കാട് തങ്കപ്പൻ മാരാരുടെ പ്രമാണത്തിൽ ക്ഷേത്ര കലയിൽ മികച്ചു നിൽക്കുന്നതും തിമില, മദ്ദളം, ഇലത്താളം, ഇടക്ക എന്നീ നാല് താളവാദ്യങ്ങളും കാറ്റാടി വാദ്യമായ കൊമ്പ് എന്നിവയും ചേർന്ന് സംഗമിച്ചു ഒരുക്കുന്ന പഞ്ചവാദ്യം തിരുവമ്പാടിയുടെ മഠത്തിൽ വരവ് പഞ്ചവാദ്യത്തോടു കിടപിടിക്കുന്നതായിരിക്കും എന്നതിൽ ഒരു സംശയവും ഉണ്ടാവില്ലെന്ന് വാദ്യ കലാകാരി കൂടിയായ മ്മടെ തൃശ്ശൂരിന്റെ സെക്രട്ടറി ശ്രീമതി രശ്മി രാജേഷ് പറഞ്ഞു.
തൃശ്ശൂർ പൂരത്തിന്റെ പ്രധാന ഭാഗമായ ഇലഞ്ഞിത്തറ മേളം പാറമേക്കാവിന്റെ മേള പ്രമാണിയായ ശ്രീ കിഴക്കൂട്ട് അനിയമാരാരുടെ നേതൃത്തത്തിൽ 150 പരം വാദ്യ കലാകാരൻമാർ അണിനിരന്നു കൊട്ടി കയറുമ്പോൾ പ്രവാസിയുടെ പൂരപ്പറമ്പ് ഒരു തേക്കിൻ കാടു മൈതാനമായി മാറുമെന്ന് പോയ വർഷങ്ങൾ തെളിയിച്ചിട്ടുള്ളതാണ്, ഏഴ് താളങ്ങളുള്ള താളത്തെ അടിസ്ഥാനമാക്കിയുള്ള പാണ്ടിമേളത്തിൻ്റെ താളലയത്തിനൊപ്പം പ്രവാസികൾ താളം പിടിച്ചു ആറാടുന്ന കാഴ്ചകൾ യഥാർത്ഥ പൂരത്തിനെ വെല്ലുന്നതാകും എന്നതിൽ സംശയമില്ലെന്ന് ഖജാൻജി ശ്രീ സജിദ് ശ്രീധരൻ അഭിപ്രായപ്പെട്ടു.
ആദ്യമായി കടൽ കടന്നു വരുന്ന മച്ചാട് മാമാങ്ക കുതിരയും, തലയെടുപ്പുള്ള 5 റോബോട്ടിക് ഗജവീരന്മാരും 150 തിൽ പരം വർണകുടകളുടെ കുടമാറ്റവും, വിവിധ തരത്തിലുള്ള കാവടിയും, കാളകളിയും , UAE യിലെ പ്രമുഖ 5 ശിങ്കാരി മേളവും, ശ്രീ കോട്ടപ്പടി സുരേന്ദ്രനും സംഘവും അവതരിപ്പിക്കുന്ന നാദസ്വരവും, കേരളത്തിലെ വിവിധ കലാരൂപങ്ങളെയുംമറ്റും കോർത്തിണക്കി അവതരിപ്പിക്കുന്ന ഘോഷയാത്രയും, കൂടെ ഇത്തവണ പൂരത്തിനു മാറ്റ് കൂട്ടാനുണ്ടാവുമെന്ന് പൂരം ജനറൽ കൺവീനർമാരായ അസ്സി ചന്ദ്രനും സഹീർ അബ്ദുറഹ്മാനും വാർത്താസമ്മേളനത്തിൽ അറിയിച്ചു.
പ്രമുഖ പിന്നണി ഗായകൻ ആയ ശ്രീ വിധു പ്രതാപ്, നാഷണൽ അവാർഡ് വിജയിയും സിനിമ അഭിനേത്രിയും കൂടിയായ അപർണ്ണ ബലമുരളിയും ഐഡിയ സ്ടര് സിങ്ങർ താരം ശ്രീരാഗ് ഭരതനും സംഘവും അവതരിപ്പിക്കുന്ന സംഗീത നിശയും, JM 5 Dj യും, യുഎയിലെ പ്രമുഖ ബാൻഡ് ആയ അഗ്നിയും കുടി ചേരുമ്പോൾ പൂരപ്രേമികൾക്കു എല്ലാവിധ ആഘോഷവും അനുഭവിക്കാനുള്ള അവസരം ഉണ്ടാകുന്നുവെന്ന് പൂരത്തിന്റെ മുഖ്യ പ്രയോജരായ Greenwealth Neo ഹെയർ ലോഷൻ പ്രതിനിധി ശ്രീ നജീബ് പട്ടാമ്പി, പ്രസെന്റിങ് സ്പോൺസർ Nikai യുടെ പ്രതിനിധി ശ്രീ അഭിലാഷ്, എന്നിവർ പറഞ്ഞു. വരുന്ന പൂരം ഒരു ജനകീയ പൂരമാണ് ഇവിടെ സ്ത്രീ പുരുഷ ഭേദമന്യേ ഏവർക്കും ആസ്വാദനത്തിന്റെ അതിർ വരമ്പ്‌ ഇല്ലാതെ പൂരപ്പറമ്പിൽ ഒഴുകി നടക്കാം ഡിസംബറിന്റെ ശിശിര രാവിൽ പൂരം ഈ പ്രവാസമണ്ണിൽ പെയ്തിറങ്ങുമ്പോൾ
ചരിത്രവും കാലവും കാത്തിരിപ്പിലാണ്.
ഇക്യുറ്റി പ്ലസ് സി ഇ ഓ ശ്രീ സുനിൽ കഞ്ചൻ, മ്മടെ തൃശൂർ കൂട്ടായ്മയുടെ ജെ കെ ഗുരുവായൂർ, ജോയിന്റ് സെക്രട്ടറി ശ്രീ സുനിൽ ആലുങ്കൽ, ജോയിന്റ് സെക്രട്ടറി ശ്രീ അനിൽ അരങ്ങത്തു, ജോയിന്റ് ട്രെഷറർ വിമല്‍ കേശവൻ, ജോയിന്റ് ട്രെഷറർ ഷാജു, മാധ്യമ വിഭാഗം തവലൻ ശ്രീ സന്ദീപ്, ഇക്വിറ്റി പ്ലസ് മാർക്കറ്റിംഗ് മാനേജർ ഹെഡ് അബ്ദുൽ ഹക്കിം എന്നിവരും വാർത്താ സമ്മേളനത്തിൽ പങ്കെടുത്തു. കൂടുതൽ വിവരങ്ങൾക്ക് ബന്ധപ്പെടുക. 055 5484210 /058 5365900
