ഷാർജ: ഷാർജ പൊലീസ് പുതിയ കമാൻഡ് ഇൻ ചീഫിനെ നിയമിച്ചു. സുപ്രീം കൗൺസിൽ അംഗവും ഷാർജ ഭരണാധികാരിയുമായ ഡോ. സുൽത്താൻ ബിൻ മുഹമ്മദ് അൽ ഖാസിമി അമീരി ഉത്തരവ് പുറപ്പെടുവിപ്പിച്ചു. മേജർ ജനറൽ അബ്ദുല്ല മുബാറക് ബിൻ ആമിറിനെ ഷാർജ പൊലീസ് കമാൻഡ് ഇൻ ചീഫ് ആയും ഷാർജ എക്സിക്യൂട്ടീവ് കൗൺസിൽ അംഗമായും നിയമിച്ചിട്ടുണ്ട്.
സ്ഥാനമൊഴിയുന്ന പൊലീസ് മേധാവി മേജർ ജനറൽ സെയ്ഫ് അൽ സാരി അൽ ഷംസിക്ക് തൻ്റെ ഭരണകാലത്തുടനീളമുള്ള അദ്ദേഹത്തിൻ്റെ മികച്ച സേവനത്തിനുള്ള അംഗീകാരമായി സുൽത്താൻ അൽ ഖാസിമി ഷാർജ പൊലീസ് മെഡൽ നൽകി.
