ദുബായിൽ ഡ്രൈ​വ​റി​ല്ലാ അ​ബ്ര​ക​ൾ പ​രീ​ക്ഷ​ണ​യാ​ത്ര ആ​രം​ഭി​ച്ച​താ​യി ആ​ർ.​ടി.​എ

ദുബായ് – ഡ്രൈ​വ​റി​ല്ലാ കാ​റു​ക​ളു​ടെ​യും ഡെ​ലി​വ​റി വാ​ഹ​ന​ങ്ങ​ളു​ടെ​യും പി​ന്നാ​ലെ ന​ഗ​ര​ത്തി​ൽ ഡ്രൈ​വ​റി​ല്ലാ​തെ സ​ഞ്ച​രി​ക്കു​ന്ന ഇ​ല​ക്​​ട്രി​ക്​ അ​ബ്ര​ക​ളും വ​രു​ന്നു. ദുബായിലെ ഏ​റ്റ​വും പ​ര​മ്പ​രാ​ഗ​ത​മാ​യ ജ​ല​ഗ​താ​ഗ​ത മാ​ർ​ഗ​ങ്ങ​ളി​ലൊ​ന്നാ​യ അ​ബ്ര​ക​ളു​ടെ പു​തി​യ സം​വി​ധാ​ന​ത്തി​ന്‍റെ പ​രീ​ക്ഷ​ണ​യോ​ട്ടം ആ​രം​ഭി​ച്ച​താ​യി റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) പ്ര​സ്താ​വ​ന​യി​ൽ അ​റി​യി​ച്ചു. ദുബായ് ക്രീ​ക്കി​ൽ വി​നോ​ദ​സ​ഞ്ചാ​രി​ക​ളെ​യും യാ​ത്ര​ക്കാ​രെ​യും ആ​ക​ർ​ഷി​ക്കു​ന്ന ചെ​ല​വു​കു​റ​ഞ്ഞ ഗ​താ​ഗ​ത മാ​ർ​ഗ​മാ​യ ഇ​വ​യി​ൽ എ​ട്ടു​പേ​ർ​ക്ക്​ സ​ഞ്ച​രി​ക്കാ​നാ​കും. ആ​ർ.​ടി.​എ​യു​ടെ അ​ൽ ഗ​ർ​ഹൂ​ദ് മ​റൈ​ൻ മെ​യ്ന്‍റ​ന​ൻ​സ് സെ​ന്‍റ​റി​ൽ നി​ർ​മി​ച്ച​താ​ണ്​ സ്വ​യം​പ്ര​വ​ർ​ത്തി​ക്കു​ന്ന ഇ​ല​ക്​​ട്രി​ക്​ അ​ബ്ര​ക​ൾ. പ​ര​മ്പ​രാ​ഗ​ത രീ​തി​യി​ലും ഡി​സൈ​നി​ലും ത​ന്നെ​യാ​ണ്​ ഇ​വ​യു​ടെ നി​ർ​മാ​ണം പൂ​ർ​ത്തി​യാ​ക്കി​യ​ത്.

അ​ൽ​ജ​ദ്ദാ​ഫി​ൽ​നി​ന്ന് ദുബായ് ക്രീ​ക്കി​ലെ ഫെ​സ്റ്റി​വ​ൽ സി​റ്റി സ്റ്റേ​ഷ​നി​ലേ​ക്കാ​ണ്​ ഡ്രൈ​വ​റി​ല്ലാ അ​ബ്ര​യു​ടെ ആ​ദ്യ പ​രീ​ക്ഷ​ണ​യാ​ത്ര ന​ട​ത്തി​യ​ത്. ലോ​ക​ത്തി​ലെ ആ​ദ്യ ഡ്രൈ​വ​റി​ല്ലാ ഇ-​അ​ബ്ര​ക​ളു​ടെ പ​രീ​ക്ഷ​ണ ഓ​ട്ട​മാ​ണ്​ പൂ​ർ​ത്തി​യാ​യി​രി​ക്കു​ന്ന​ത്. കാ​ർ​ബ​ൺ പു​റ​ന്ത​ള്ള​ലും അ​റ്റ​കു​റ്റ​പ്പ​ണി ചെ​ല​വും കു​റ​ക്കാ​ൻ ക​ഴി​യു​ന്ന രീ​തി​യി​ലാ​ണ്​ ഓ​ട്ടോ​ണ​മ​സ് ഇ​ല​ക്ട്രി​ക് അ​ബ്ര​ക​ൾ നി​ർ​മി​ച്ചി​ട്ടു​ള്ള​തെ​ന്ന്​ ആ​ർ.​ടി.​എ ചെ​യ​ർ​മാ​നും ഡ​യ​റ​ക്ട​ർ ജ​ന​റ​ലു​മാ​യ മ​താ​ർ അ​ൽ താ​യ​ർ പ​റ​ഞ്ഞു. ഇ​തി​നു​ പു​റ​മെ ഡീ​സ​ൽ അ​ബ്ര​ക​ളി​ൽ​നി​ന്ന്​ വ്യ​ത്യ​സ്ത​മാ​യി ശ​ബ്​​ദ​മ​ലി​നീ​ക​ര​ണ​വും കു​റ​വാ​യി​രി​ക്കും. പ​ര​മാ​വ​ധി ഏ​ഴു നോ​ട്ട് വേ​ഗ​മു​ള്ള ര​ണ്ട് ഇ​ല​ക്ട്രി​ക് മോ​ട്ടോ​റു​ക​ളാ​ണി​തി​ൽ സ​ജ്ജീ​ക​രി​ച്ചി​ട്ടു​ള്ള​ത്. ഏ​ഴു മ​ണി​ക്കൂ​ർ പ്ര​വ​ർ​ത്തി​ക്കു​ന്ന നാ​ല് ലി​ഥി​യം ബാ​റ്റ​റി​ക​ൾ ഘ​ടി​പ്പി​ച്ച സം​വി​ധാ​ന​ത്തി​ൽ ഓ​ട്ടോ​ണ​മ​സ് ക​ൺ​ട്രോ​ൾ സി​സ്റ്റ​വും ഉ​ൾ​പ്പെ​ടു​ത്തി​യി​ട്ടു​ണ്ട്. ഭാ​രം കു​റ​ക്കാ​ൻ ഇ-​അ​ബ്ര​ക​ളു​ടെ ബോ​ഡി​യി​ൽ ഫൈ​ബ​ർ​ഗ്ലാ​സാ​ണ്​ ഉ​പ​യോ​ഗി​ച്ചി​ട്ടു​ള്ള​ത്. റ​ഡാ​റു​ക​ളും കാ​മ​റ​ക​ളും ഘ​ടി​പ്പി​ച്ച സം​വി​ധാ​ന​ത്തി​ലെ വി​വ​ര​ങ്ങ​ൾ അ​നു​സ​രി​ച്ചാ​ണ്​ അ​ബ്ര​ക​ൾ സ​ഞ്ച​രി​ക്കു​ക. നൂ​ത​ന സാ​ങ്കേ​തി​ക​വി​ദ്യ​ക​ൾ ഉ​പ​യോ​ഗി​ച്ച​തി​ലൂ​ടെ അ​പ​ക​ട​ങ്ങ​ൾ ഒ​ഴി​വാ​ക്കാ​നും സാ​ധി​ക്കും. ഒപ്പം തി​ര​മാ​ല​യും കാ​റ്റു​മു​ണ്ടെ​ങ്കി​ൽ​പോ​ലും ദി​ശ മാ​റാ​തെ നി​ശ്ച​യി​ച്ച ല​ക്ഷ്യ​ത്തി​ലേ​ക്ക്​ സ​ഞ്ച​രി​ക്കാ​ൻ ഇ​തി​ന്​ സാ​ധി​ക്കും. സ​ഞ്ചാ​ര പാ​ത​യി​ലെ ത​ട​സ്സ​ങ്ങ​ൾ ക​ണ്ടെ​ത്തു​ക​യും സി​സ്റ്റം ത​ക​രാ​റോ ഓ​പ​റേ​റ്റി​ങ്​ പ്ലാ​നി​ൽ​നി​ന്ന്​ മാ​റു​ക​യോ ചെ​യ്താ​ൽ ക​ൺ​ട്രോ​ൾ സെ​ന്‍റ​റി​നെ അ​റി​യി​ക്കു​ക​യും ചെ​യ്യും. 2030ഓ​ടെ ദുബായിലെ ഗ​താ​ഗ​ത​സം​വി​ധാ​ന​ങ്ങ​ളു​ടെ 25 ശ​ത​മാ​ന​വും സെ​ൽ​ഫ് ഡ്രൈ​വി​ങ്​ സം​വി​ധാ​ന​മാ​ക്കി മാ​റ്റാ​നു​ള്ള പ​ദ്ധ​തി​യു​ടെ ഭാ​ഗ​മാ​യാ​ണ്​ ആ​ർ.​ടി.​എ ഇ-​അ​ബ്ര​ക​ൾ അ​വ​ത​രി​പ്പി​ച്ച​ത്.